English
Hwb

Cofrestru a rheoli Chromebooks eich ysgol

Sut i gofrestru a rheoli Chromebooks eich ysgol ar y parth hwbcymru.

Trosolwg

Dyfais sy'n rhedeg system weithredu Chrome Google yn lle Windows neu MacOS yw Chromebook. Dyluniwyd Chromebooks i'w ddefnyddio'n bennaf tra'u bod wedi'u cysylltu â'r rhyngrwyd, gyda'r rhan fwyaf o apiau a dogfennau yn y cwmwl.

Gall gweinyddwyr Hwb reoli Chromebooks eu hysgol drwy'r Google Admin Console.

Gallwch wneud y canlynol:

  • gosod gosodiadau dyfais
  • gosod cyfyngiadau
  • defnyddio apiau ac estyniadau
  • ffurfweddu cysylltiadau rhwydwaith

Mynediad at gonsol Google Admin

Mae angen i chi fod yn weinyddwr Google i gael mynediad at gonsol Google Admin. Gall gweinyddwyr Google presennol roi'r rôl hon i ddefnyddiwr yn y porth rheoli defnyddwyr. Gall defnyddiwr sy'n cael rôl gweinyddwr Google reoli'ch dyfeisiau ChromeOS o bell. 

Sut i neilltuo rôl gweinyddwr Google

  1. Rhaid i'r defnyddiwr fod yn hyrwyddwr digidol er mwyn cael mynediad i'r ardal hon o'r ddewislen weinyddu.
  2. Mewngofnodwch i Hwb a chliciwch ar Rheoli defnyddwyr.
  3. Cliciwch ar gweinyddu ar y ddewislen.
  4. Dewiswch Gweinyddwyr Google.
  5. Cliciwch hyrwyddo wrth ymyl defnyddiwr, i neilltuo rôl gweinyddwr Google iddynt.

Mae angen i chi sicrhau mai dim ond y rhai sydd angen y lefel hon o fynediad sydd â'r rôl hon.

Er enghraifft, bydd gweinyddwr Google Admin mewn ysgol ddim ond yn gweld yr unedau sefydliadol ar gyfer eu hysgol. Fodd bynnag, bydd gweinyddwr Google Admin mewn awdurdod lleol yn gweld unedau sefydliadol pob ysgol yn ogystal ag unrhyw unedau sefydliadol ar lefel awdurdod lleol.

Unedau trefnu

Mae dyfeisiau a defnyddwyr wedi'u trefnu'n unedau. Mae 4 uned wahanol:  

  • dyfeisiau
  • llywodraethwyr
  • staff
  • myfyrwyr

Mae pob uned wedi'i rhannu'n hierarchaeth o ranbarthau, awdurdodau lleol ac ysgolion.

Gallwch greu unedau ychwanegol ar y canghennau dyfeisiau, staff a myfyrwyr. Mae hyn yn eich galluogi i gymhwyso gwahanol bolisïau ac apiau i wahanol ddyfeisiau a defnyddwyr.

Ychwanegu unedau dyfeisiau

  1. Ewch i Organisational Units.
  2. Chwiliwch am yr uned i greu uned plentyn ynddo.
  3. Cliciwch ar y + ar y rhes OU o dan y gangen Devices.
  4. Rhowch enw a disgrifiad ar gyfer yr uned honno.
  5. Cliciwch ar Create.

Ychwanegu unedau defnyddwyr

  1. Ewch i Organisational Units.
  2. Chwiliwch am yr uned staff neu ddysgwyr ar gyfer eich ysgol.
  3. Dewiswch yr uned Staff neu Learners i greu uned plentyn ynddo.
  4. Cliciwch ar y + ar y rhes OU o dan y gangen Staff neu Learners.
  5. Rhowch enw a disgrifiad ar gyfer yr uned honno.
  6. Cliciwch ar Create.

Golygu neu ddileu unedau

Unwaith y cânt eu creu, dim ond tîm Hwb all olygu neu ddileu uned.

I gael cymorth, cysylltwch â Desg Wasanaeth Hwb. 

Symud defnyddwyr i uned sydd newydd ei chreu

Ar ôl i chi greu uned o fewn uned staff neu ddysgwyr eich ysgol, gall gweinyddwyr Google symud defnyddwyr i'r uned honno. 

  1. Ewch i Users.
  2. Chwiliwch am yr uned lle mae'r defnyddwyr yr ydych am eu symud.
  3. Dewiswch y defnyddwyr yr ydych am eu symud.
  4. Dewiswch y gwymplen More ar frig y dudalen a dewiswch Change organisational unit.
  5. Dewiswch yr uned newydd yr ydych yn dymuno gosod y defnyddwyr hynny ynddi a chliciwch ar Continue.
  6. Dewiswch Confirm i gadarnhau'r symud.

Os yw'r uned yn cael ei chreu y tu allan i'r gangen staff neu ddysgwr, bydd defnyddwyr yn cael eu symud yn ôl i'w lleoliad gwreiddiol gan y gwasanaeth darparu.

Hawliau mynediad

Mae defnyddwyr Google Admin fynediad wedi'i ddirprwyo i gyflawni tasgau priodol. Dim ond i dîm Hwb y mae rhai lleoliadau, megis y rhai sy'n effeithio ar y tenant cyfan, ar gael.

Cofrestru'ch Chromebooks

Gall ysgolion weithio gydag awdurdodau lleol a phartneriaid Google i brynu trwyddedau rheoli dyfeisiau. Gallant gofrestru a rheoli Chromebooks ar y parth hwbcymru.net.

Rydym yn argymell y dylai pob ysgol gofrestru eu Chromebooks.

Manteision cofrestru Chromebooks eich ysgol 

  • Caniatáu i ddefnyddwyr lofnodi gyda manylion Hwb a chael mynediad at gymwysiadau Hwb ar unwaith.
  • Gwell rheolaethau diogelwch gan fod modd rheoli a gorfodi polisïau dyfeisiau trwy gonsol Google Admin.

Mae 3 opsiwn cofrestru ar gyfer ysgolion a gynhelir yng Nghymru:

  • gwasanaeth cyflawn: cofrestru Chromebooks a reolir
  • gwasanaeth cofrestru: cofrestru Chromebooks na reolir
  • gwasanaeth trosglwyddo

Gwasanaeth cyflawn: Chromebooks a reolir trwy bartner Google

Mae ysgolion yn prynu Chromebooks a thrwyddedau rheoli dyfeisiau gan bartner Google i'w cofrestru ar barth hwbcymru.net.

Proses ar gyfer ysgolion

  1. Mae'r ysgol yn caffael Chromebooks a thrwyddedau rheoli dyfeisiau.
  2. Mae partner Google yn cofrestru'r Chromebooks.
  3. Mae Chromebooks yn cael eu cludo i'r ysgol yn barod i'w defnyddio.

Cofrestru Chromebooks na reolir

Mae angen i ysgolion sydd â Chromebooks nad ydynt yn cael eu rheoli ac sy'n dymuno eu rheoli ar barth hwbcymru.net brynu trwyddedau rheoli dyfeisiau gan bartner Google.

Proses ar gyfer ysgolion

  1. Mae'r ysgol yn caffael trwyddedau rheoli dyfeisiau.
  2. Mae'r ysgol yn anfon prawf o brynu at Ddesg Wasanaeth Hwb.
  3. Mae Desg Wasanaeth Hwb yn darparu cyfrif cofrestru.
  4. Mae dyfeisiau yn cael eu cofrestru yn Hwb gan ddefnyddio'r cyfrif a ddarperir.

Rhaid ailosod dyfeisiau cyn eu cofrestru gyda Hwb.

Trosglwyddo trwyddedau rheoli dyfeisiau Chromebook

Sut i drosglwyddo Chromebooks sydd wedi'u cofrestru ar hyn o bryd ar barth nad yw'n un hwbcymru.net 

  1. Mae Google admin mewn parth ar wahân i hwbcymru.net yn cofnodi cais am gymorth gyda Google i drosglwyddo trwyddedau.
  2. Mae'r ysgol yn anfon prawf o'r trosglwyddiad i Ddesg Wasanaeth Hwb.
  3. Mae Desg Wasanaeth Hwb yn darparu cyfrif cofrestru.
  4. Mae dyfeisiau yn cael eu cofrestru ar Hwb gan ddefnyddio'r cyfrif a ddarperir.

Rhaid dad-ddarparu dyfeisiau o'r parth ar wahân i hwbcymru.net a'u hailosod cyn eu cofrestru gyda Hwb.

Rheoli Chromebooks

Pan fydd Chromebook yn cael ei gofrestru i gonsol Google Admin, fe'i gosodir yn awtomatig yn yr uned gywir ar gyfer yr ysgol neu'r awdurdod lleol. Rheolir hyn gan y cyfrif cofrestru a ddefnyddir.

Gellir symud y dyfeisiau hyn i uned dyfais wahanol. Mae hyn yn golygu y gallant gael gwahanol bolisïau wedi'u cymhwyso, neu gael gweithredoedd eraill wedi'u perfformio arnynt fel:

  • analluogi
  • dad-ddarparu
  • ailosod

Gweld Chromebooks sydd wedi'u cofrestru

  1. Ewch i Devices: Chrome: Devices.
  2. Chwiliwch am yr uned sy'n cynnwys y ddyfais/dyfeisiau.
  3. Chwiliwch neu hidlwch ymhellach os oes angen.

Symud Chromebook i uned arall

  1. Ewch i'r rhestr dyfeisiau fel uchod.
  2. Dewiswch y blwch ticio nesaf at y ddyfais/dyfeisiau.
  3. Dewiswch yr eicon Move ar y dde uchaf.
  4. Chwiliwch am yr uned darged.
  5. Cliciwch ar Move.

Dad-ddarparu Chromebook

Mae angen dad-ddarparu i dynnu'r ddyfais o gonsol Google Admin. Os na fydd yn cael ei dad-ddarparu yn gyntaf, bydd y ddyfais yn parhau i fod wedi cofrestru hyd yn oed ar ôl ailosod.

  1. Ewch i'r rhestr dyfeisiau fel uchod.
  2. Dewiswch y blwch ticio nesaf at y ddyfais/dyfeisiau.
  3. Cliciwch ar yr eicon Deprovision Selected devices ar y dde uchaf.
  4. Dewiswch yr opsiynau priodol.
  5. Cliciwch ar Deprovision.

Rheoli Chromebooks unigol

Gallwch reoli Chromebooks unigol trwy wneud y canlynol:

  • clicio arnynt ar y rhestr dyfeisiau
  • chwilio amdanynt ym mar chwilio Google Admin

Gellir gweld neu olygu gwybodaeth ychwanegol ar ddyfais unigol fel cyfeirnod asedau neu leoliad.

Chrome Remote Desktop

Gall gweinyddwyr Google ddefnyddio nodwedd Chrome Remote Desktop.

Mae Chrome Remote Desktop yn caniatáu ichi roi cefnogaeth o bell i'ch defnyddwyr ChromeOS. Os yw'r ddyfais yn cael ei rheoli yn y tenant Hwb, gallwch ddefnyddio eich cyfrif Hwb i roi cymorth o bell yn ogystal â chydweithio ar fformat rhannu sgrin. 

Mae'r nodwedd a'r ddogfennaeth ategol ar gael ar y wefan ganlynol: https://remotedesktop.google.com

Gosodiadau

Gellir creu polisïau ar lefel unrhyw uned i ffurfweddu gosodiadau neu gyfyngiadau ar y dyfeisiau neu'r defnyddwyr o fewn yr uned. Caiff y rhain eu hetifeddu gan yr unedau plentyn.

Ar gyfer gosodiadau defnyddiwr, mae angen i chi greu polisi ar yr unedau defnyddwyr yr ydych am iddynt dderbyn y gosodiadau hynny. Er enghraifft, os ydych chi am i bob defnyddiwr yn yr ysgol gael tystysgrif, mae angen i chi ei hychwanegu at yr uned Staff a'r uned Myfyrwyr.

Gosodiadau dyfais

Gellir defnyddio polisïau dyfeisiau Chrome i reoli gosodiadau sy'n berthnasol i ddyfais Chromebook neu Flex. Mae gosodiadau dyfais yn berthnasol i unrhyw un sy'n defnyddio'r ddyfais honno.

Rhaid ffurfweddu polisïau dyfeisiau Chrome ar uned yn y gangen Devices.

Gellir creu polisïau dyfeisiau lluosog ar unedau dyfeisiau ar wahân i ddarparu set wahanol o ffurfweddau. Bydd dyfeisiau yn derbyn y polisi a ddyrennir i ba bynnag uned y mae ynddi, felly gellir ei symud i uned arall i dderbyn polisi gwahanol.

Etifeddir gosodiadau nad ydynt wedi'u nodi'n benodol mewn polisi o'r polisi uwch.

Gweld, diwygio neu greu polisi dyfais

  1. Trwy'r brif ddewislen, ewch i Devices: Chrome: Settings: Device.
  2. Chwiliwch a dewiswch yr uned berthnasol yr ydych am gymhwyso'r polisi iddi.
  3. Er mwyn ffurfweddu'r gosodiadau, gallwch chwilio am osodiad penodol gan ddefnyddio'r opsiwn Search or add a filter.
  4. Cliciwch ar Save.

I gael rhagor o wybodaeth am osodiadau sydd ar gael mewn polisi dyfeisiau Chrome, gweler erthygl cymorth Google.

Gosodiadau defnyddiwr

Mae polisïau Chrome ar gyfer defnyddwyr yn cael eu cymhwyso pan fydd defnyddiwr yn mewngofnodi i ddyfais Chromebook neu Flex, neu borwr Chrome. Mae'r polisi yn cael ei gymhwyso waeth beth yw rheolaeth y ddyfais.

Mae rhai gosodiadau defnyddiwr cyffredin yn cynnwys hafanau, nodau tudalennau a reolir neu bapur wal ar gyfer dyfeisiau a reolir.

Nid yw polisïau defnyddwyr ar gael ar gyfer Google Admins. Mae angen i chi gysylltu â Desg Wasanaeth Hwb i newid unrhyw osodiadau defnyddiwr.

Sesiynau gwesteion a reolir

Gellir ffurfweddu Chromebooks a dyfeisiau Flex i ganiatáu sesiynau gwesteion a reolir. Mae hyn yn golygu y gall defnyddiwr fewngofnodi i'r ddyfais heb gyfrif gyda rhai polisïau a chyfyngiadau wedi'u cymhwyso beth bynnag.

Mae'r gosodiadau sydd wedi'u ffurfweddu mewn sesiwn gwesteion a reolir yn debyg iawn i osodiadau defnyddiwr, ond dim ond i'r cyfrif 'gwestai' sy'n defnyddio'r ddyfais y maent yn berthnasol.

Rhaid ffurfweddu sesiynau gwesteion a reolir ar uned yn y gangen Devices.

Galluogi, analluogi neu ffurfweddu sesiynau gwesteion a reolir

  1. Ewch i Devices: Chrome: Settings: Managed Guest Sessions.
  2. Dewiswch yr uned sy'n cynnwys y dyfeisiau.
  3. Newidiwch y gosodiad ar gyfer Managed guest session.
  4. Ffurfweddwch unrhyw osodiadau ychwanegol
  5. Cliciwch ar Save.

Ni chaiff unrhyw ddata ar y ddyfais eu cadw yn ystod sesiynau gwesteion a reolir. Gall y defnyddiwr fewngofnodi i Hwb o hyd a chadw gwaith yn ei Google Drive neu ei OneDrive drwy borwr gwe Chrome.

Rhaid neilltuo estyniadau diwedd apiau i'r uned ddyfais i fod yn hygyrch yn y sesiwn gwesteion a reolir. Efallai na fydd rhai apiau neu estyniadau yn gweithio'n iawn gan fod angen cyfrif defnyddiwr i fewngofnodi.

Am ragor o wybodaeth am ddefnyddio sesiynau gwesteion a reolir cyfeiriwch at erthygl cymorth Google. 

Argraffwyr

Gallwch sicrhau bod argraffwyr lleol a rhwydwaith ar gael ar Chromebooks neu ddyfeisiau Flex. Gellir defnyddio'r rhain mewn perthynas â defnyddwyr neu ddyfeisiau.

Ychwanegu argraffydd

  1.  Ewch i Devices: Chrome: Printers.
  2. Chwiliwch am yr uned sy'n cynnwys y defnyddwyr neu'r dyfeisiau.
  3. Cliciwch ar y botwm +.
  4. Cliciwch ar Add printer.
  5. Rhowch fanylion yr argraffydd.
  6. Rhaid rhannu argraffydd i ddyfais neu ddefnyddiwr cyn iddo ddod ar gael.
  7. Cliciwch ar yr argraffydd yn y rhestr.
  8. Dewiswch yr opsiwn priodol, yn dibynnu ar a yw'r argraffydd wedi'i neilltuo i uned defnyddiwr neu ddyfais.
  9. Cliciwch ar Save.

Gallwch ychwanegu sawl argraffydd ar yr un pryd trwy ddewis Upload Printers yng ngham 4 a lanlwytho ffeil CSV.

Dileu argraffydd

  1. Ewch i Devices: Chrome: Printers.
  2. Chwiliwch am yr uned gyda'r argraffydd penodedig.
  3. Dewiswch y blwch ticio wrth ymyl yr argraffydd(ion) sydd i'w dileu.
  4. Cliciwch ar yr eicon bin yn y gornel chwith uchaf, yna Delete i gadarnhau.

Diwygio argraffydd

  1. Ewch i Devices: Chrome: Printers.
  2. Chwiliwch am yr uned gyda'r argraffydd penodedig.
  3. Cliciwch ar yr argraffydd i'w olygu.
  4. Diwygiwch y manylion yn ôl y gofyn.

Rhwydweithiau

Gallwch ddefnyddio polisïau Rhwydwaith i wthio proffiliau Wi-Fi i ddefnyddiwr neu ddyfais. Gallwch hefyd bennu cyfyngiadau eraill ar Chromebooks megis caniatáu cysylltiadau â rhwydweithiau Wi-Fi wedi'u ffurfweddu yn unig.

Gellir defnyddio proffiliau Wi-Fi mewn perthynas ag unedau y defnyddiwr neu'r ddyfais, ac fe'u hetifeddir gan unedau y plentyn.

Creu rhwydwaith Wi-Fi newydd

  1. Ewch i Devices: Network.
  2. Chwiliwch am yr uned sy'n cynnwys y dyfeisiau neu'r defnyddwyr.
  3. Dewiswch Create Wi-Fi network.
  4. Dewiswch y blwch ticio ar gyfer Chromebooks (by user) os ydych chi'n neilltuo'r proffil i uned defnyddiwr, neu Chromebooks (by device) os ydych chi'n neilltuo'r proffil i uned dyfais.
  5. Rhowch fanylion y rhwydwaith Wi-Fi.
  6. Cliciwch ar Save.

Diwygio neu ddileu rhwydwaith Wi-Fi

  1. Ewch i Devices: Network.
  2. Chwiliwch am yr uned sy'n cynnwys y dyfeisiau neu'r defnyddwyr.
  3. Cliciwch ar Wi-Fi.
  4. Cliciwch ar y proffil Wi-Fi a ddymunir.
  5. Golygwch y manylion Wi-Fi, neu cliciwch Remove i'w ddileu.

Gallwch greu proffil Wi-Fi ar wahân ar gyfer y ddyfais a'r defnyddiwr. Drwy wneud hyn, byddai'r ddyfais yn cysylltu ag un rhwydwaith tra byddai'r defnyddiwr yn cysylltu ag un gwahanol ar ôl mewngofnodi.

Gallwch greu proffil Wi-Fi ar wahân ar gyfer y ddyfais a'r defnyddiwr. Fel hyn, byddai'r ddyfais yn cysylltu ag un rhwydwaith tra byddai'r defnyddiwr yn cysylltu ag un gwahanol unwaith y byddai wedi mewngofnodi.

Tystysgrifau

Gellir neilltuo tystysgrifau i ddefnyddwyr i'w defnyddio ar Chromebooks, dyfeisiau Flex neu borwyr Chrome. Gan fod tystysgrifau wedi'u neilltuo i'r defnyddiwr, dim ond pan fydd y defnyddiwr yn mewngofnodi y maent yn berthnasol ac maent yn annibynnol ar y ddyfais a ddefnyddir.

Mae tystysgrifau'n seiliedig ar ddefnyddiwr, a rhaid eu cymhwyso i uned defnyddiwr.

Neilltuo tystysgrif

  1. Ewch i Devices: Rhwydweithiau.
  2. Chwiliwch am yr uned sy'n cynnwys y defnyddwyr.
  3. Dewiswch Create certificate.
  4. Enwch y dystysgrif a'i lanlwytho.

Dewiswch y blwch ticio wrth ymyl Chromebook o dan Certificate Authority, os yw'n briodol. Defnyddir hyn yn gyffredin ar gyfer arolygiad SSL ar hidlydd gwe.

 Dileu tystysgrif

  1. Ewch i Devices: Networks.
  2. Chwiliwch am yr uned sy'n cynnwys y defnyddwyr.
  3. Cliciwch ar Certificates.
  4. Hofrwch dros y dystysgrif darged a chliciwch Delete.

I ychwanegu tystysgrif newydd yn lle'r hen un, mae angen i chi ddileu'r un presennol ac ychwanegu un newydd.

Apiau ac estyniadau

Cyn i chi allu gosod ap neu estyniad, bydd angen i Google Admin ei gymeradwyo i'w ddefnyddio. Gall ap gael ei orfodi gan Google Admin, yna bydd yn gosod yn awtomatig yn eich porwr Chrome neu eich Chromebook a reolir. Cyfeiriwch at Bolisi Preifatrwydd Hwb cyn defnyddio unrhyw gymwysiadau.

Mae apiau ac estyniad, gan gynnwys apiau Android, yn seiliedig ar ddefnyddwyr felly mae'n rhaid eu cymhwyso i uned y defnyddiwr.

Nid oes gan ddysgwyr fynediad at y Chrome Web Store felly mae'n rhaid gorfodi apiau ac estyniadau.

Bydd neilltuo ap Google yn rhoi caniatâd iddo gael gafael ar wybodaeth ar y ddyfais y mae wedi'i osod arno, megis nodau tudalennau neu leoliad y defnyddiwr, heb ganiatáu i'r defnyddiwr terfynol ei adolygu na hyd yn oed ei analluogi.

Cymeradwyo ap neu estyniad o Chrome Web Store

  1. Ewch i Devices: Chrome: Apps and extensions.
  2. Ehangwch y gangen Staff a dewiswch yr uned rydych yn dymuno cymhwyso'r ap iddi (Awgrym: Os ydych yn dewis uned yr ysgol (Rhif DfES) bydd yn gymwys i bob is-uned).
  3. Cliciwch ar y + melyn yn y gornel waelod chwith, a dewiswch Add o'r Chrome Web Store.
  4. Gan ddefnyddio'r bar chwilio, chwiliwch am yr estyniad a ddymunir yn Chrome Web Store.
  5. Cliciwch ar Select wrth ymyl yr estyniad perthnasol.
  6. Cadarnhewch fod y Polisi Gosod wedi'i osod i Allow Install
  7. Cliciwch y togl i alluogi Include in Chrome Web Store collection.
  8. Cliciwch ar Save.

Neilltuo ap neu estyniad

  1. Gallwch gymeradwyo ap neu estyniad gan ddilyn y camau a amlinellir uchod.
  2. Gyda'r ap perthnasol wedi'i ddewis, newidiwch y polisi gosod drwy glicio'r saeth i lawr a dewis Force install.
  3. Cliciwch ar Save.

Dileu ap neu gymeradwyaeth estyniad

  1. Ewch i Devices: Chrome: Apps and extensions: Users and Browsers.
  2. Ehangwch y gangen ar gyfer staff neu fyfyrwyr a dewis yr uned yr ydych am ddileu'r ap ohoni.
  3. Dewiswch i amlygu’r ap neu'r estyniad perthnasol.
  4. Cliciwch yr eicon 'bin' ar yr ochr dde.
  5. Cliciwch ar Save.

Gosod estyniad cymeradwy yn Chrome

  1. Ewch i https://chrome.google.com/webstore a mewngofnodi gyda'ch enw defnyddiwr a’ch cyfrinair ar gyfer Hwb.
  2. Chwiliwch am yr estyniad cymeradwy gan ddefnyddio'r bar chwilio (yn y gornel chwith uchaf).
  3. Ar yr estyniad perthnasol, cliciwch Add to Chrome.
  4. Yna, bydd ffenestr naid yn ymddangos yn amlinellu beth fydd yr estyniad hwn yn gallu ei wneud yn eich porwr. I barhau, cliciwch Add extension. Fel arall, gallwch glicio Cancel.
  5. Yna, bydd eicon ar gyfer yr estyniad hwnnw yn ymddangos ar frig eich porwr. Cliciwch ar yr eicon i ddefnyddio'r estyniad.

Dileu estyniad

  1. De-gliciwch ar yr eicon ar gyfer yr estyniad perthnasol yn eich bar offer porwr Chrome: Cliciwch Remove from Chrome.
  2. Cliciwch Remove.

Diffodd estyniad

Rhoi'r gorau i ddefnyddio estyniad dros dro

  1. De-gliciwch ar yr eicon ar gyfer yr estyniad perthnasol yn eich bar offer porwr Chrome: Cliciwch Manage extensions.
  2. Fe welwch chi 'dogl' glas tuag at frig y dudalen gyda'r gair 'On' ar yr un llinell ag ef. Cliciwch ar y 'togl' hwn i ddiffodd yr estyniad.

Ni all y defnyddiwr terfynol ddiffodd na dileu estyniadau sydd wedi'u gosod. Rhaid i Hyrwyddwr Digidol neu weinyddwr Hwb wneud hyn drwy borth Google admin.

Galluogi apiau Android a Google Play a reolir

Os ydych chi'n hyrwyddwr digidol yn eich ysgol neu'n weinyddwr Hwb yr awdurdod lleol, gallwch alluogi apiau Android ar gyfer eich dyfeisiau.

Galluogi apiau Android ar gyfer eich sefydliad

  1. Ewch i Devices: Chrome: Apps & extensions: Users and browsers.
  2. Ehangwch y gangen staff neu fyfyrwyr a dewiswch yr uned yr ydych am ychwanegu'r ap ati.
    Awgrym: Os ydych yn dewis uned yr ysgol (Rhif DfES) bydd yn gymwys i bob is-uned.
  3. Ar y dde eithaf, cliciwch y cog gosodiadau ar gyfer Additional settings.
  4. Ar gyfer apiau Android ar Ddyfeisiau Chrome, dewiswch Allow.
  5. Cliciwch Save.

Y gosodiad diofyn yw bod apiau Android yn cael eu lawrlwytho a'u gosod bob tro y mae defnyddiwr yn mewngofnodi i'r ddyfais.

I newid yr ymddygiad hwn, newidiwch y gosodiadau mewngofnodi i Sign-in settings : User data = Do not erase local user data, ceir cyfarwyddiadau ar gyfer hyn o dan Device Settings. Bydd hyn yn caniatáu i'r ffeil (APK) gael ei storio yn lleol a’i osod pan fydd defnyddiwr newydd yn mewngofnodi ac ni fydd angen ei hail-lawrlwytho bob tro. Fodd bynnag, byddwch yn ymwybodol y bydd hyn hefyd yn defnyddio storfa’r ddyfais wrth i broffiliau defnyddwyr gael eu cadw ar y ddyfais.

Gosod apiau Android ar Ddyfeisiau Chrome

Cyn gosod apiau Android ar ddyfeisiau Chrome, rhaid i chi ddilyn y canllaw yn gyntaf ar sut i alluogi apiau Android a Google Play a reolir.

Sut i osod apiau Android

  1. Ewch i Devices: Chrome: Apps & extensions: Users and browsers.
  2. Ehangwch y gangen staff neu fyfyrwyr a dewiswch yr uned yr ydych am ychwanegu'r ap ati. Awgrym: Os ydych yn dewis uned yr ysgol (Rhif DfES) bydd yn gymwys i bob is-uned.
  3. Cliciwch Add + yn y gornel dde isaf, yna Add from Google Play.
  4. Chwiliwch am yr ap yr hoffech chi ei reoli a chlicio arno.
  5. Cliciwch Select i dderbyn hawliau'r ap ar ran eich sefydliad, cliciwch Accept.

Cymorth pellach

I gael rhagor o gymorth, cysylltwch â Desg Wasanaeth Hwb:

E-bost: cymorth@hwbcymru.net

Ffôn: 03000 25 25 25

  • Diweddarwyd ddiwethaf 02 Mehefin 2025