Fideogynadledda

Beth i’w ystyried wrth ddefnyddio fideogynadledda a sut i gadw dysgwyr ac ymarferwyr yn ddiogel.

Trosolwg

Mae fideogynadledda yn rhoi cyfle i lawer o bobl mewn gwahanol leoliadau ymuno ag ystafell rithwir. Gall cyfranogwyr rannu sain, fideo, testun a chyflwyniadau mewn amser real dros y rhyngrwyd. Mae modd rhoi camerâu a meicroffonau ymlaen a’u diffodd.

Cadw dysgwyr ac ymarferwyr yn ddiogel yn ystod fideogynadledda

Darllenwch y canllawiau diogelu wrth fideogynadledda.

Fideogynadledda drwy Hwb

Drwy Hwb, mae gan staff ysgolion fynediad at Microsoft 365 a Google Workspace for Education. Gallant ddefnyddio Microsoft Teams a Google Meet i ddefnyddio fideogynadledda. 

Defnyddio fideogynadledda i gyflwyno gwersi

Gall fideogynadledda fod yn ddull effeithiol i ymarferwyr sy'n cyflwyno dysgu cyfunol. Trwy drefnu gwers fideogynadledda rydych chi'n ymrwymo i gyflwyno gwers ar ddyddiad ac amser penodol.
Gellir defnyddio fideogynadledda i:

• gyflwyno gwersi i'ch dosbarth a'ch dysgwyr
• cyflwyno sesiynau bugeiliol neu addysgu i grwpiau bach
• cynnal sesiwn dal i fyny lles neu gynnal apwyntiad ADY

Manteision gwersi fideogynadledda

• Cyfle i gyfranogwyr gael cyswllt wyneb yn wyneb mewn amser real.
• Hwyluso dysgu rhyngweithiol a chydweithredol.
• Effeithiau cadarnhaol ar ymgysylltiad a lles dysgwyr.
• Defnyddiol ar gyfer cadw mewn cysylltiad â dysgwyr.
• Adborth i ddysgwyr ar unwaith.
• Galluogi cymorth unigol.
• Gellir ei ddefnyddio i alluogi plant a phobl ifanc i gadw mewn cysylltiad â'u cyd-ddisgyblion a chymryd rhan mewn dysgu grwp, er enghraifft, trafodaethau.

Pethau i'w hystyried cyn i chi ddechrau fideogynadledda

• Mae fideogynadledda yn digwydd mewn amser real. Ystyriwch yn ofalus yr hyn y gellir ei weld a'i glywed yn eich amgylchedd.
• Bydd popeth ar eich sgrin neu bopeth y byddwch chi'n ei rannu yn cael ei weld gan bawb.
• Mae galwadau ymarferwyr yn caniatáu i ddysgwyr gyflwyno eu sgrin a rhannu cynnwys. Os yw dysgwyr yn defnyddio fideo a sain, yna dylai pob dysgwr ddewis lleoliad niwtral sy'n briodol ac yn ddiogel.
• Os yn bosibl, dylai ymarferwyr a dysgwyr ddefnyddio gosodiadau pylu cefndir yn Microsoft Teams a Google Meet.