Symud cyfrifon Hwb

Dysgwyr

Bydd dysgwyr sy'n symud o un ysgol i'r llall yn cael eu trosglwyddo'n awtomatig unwaith y bydd y canlynol wedi'i wneud:

maent wedi'u cofrestru ym MIS eu hen ysgol fel dysgwr sy'n gadael
maent wedi'u cofrestru yn MIS eu hysgol newydd
mae'r Cleientiaid Darparu wedi'u rhedeg yn llwyddiannus yn y ddwy ysgol

Caiff dysgwr ei adnabod yn y system ar sail Rhif Unigryw'r Disgybl.

Staff

Beth y mae angen ichi ei ystyried cyn symud eich cyfrif Hwb blaenorol i'ch ysgol newydd

Bydd eich cyfrif Hwb newydd yn eich ysgol newydd yn cael ei anactifadu unwaith y symudwch yn ôl i'ch cyfrif blaenorol. Mae hyn yn golygu y byddwch yn colli unrhyw beth rydych wedi'i arbed i'ch cyfrif newydd. Gwnewch yn siŵr eich bod yn arbed unrhyw ffeiliau, negeseuon e-bost ac adnoddau rydych am eu cadw mewn lleoliad newydd. Mae'n bwysig eich bod yn gwneud hyn cyn ichi ddechrau'r broses o drosglwyddo'ch cyfrif.

Beth sydd angen bod yn ei le i sicrhau bod cyfrifon yn cael eu symud yn llwyddiannus

Yr ysgol flaenorol: Rhaid i weinyddwr fod wedi ychwanegu eich dyddiad gadael at eich cofnod staff yn System Gwybodaeth Reoli'r ysgol.
Yr ysgol newydd: Rhaid i'ch cofnod staff fod wedi'i gofrestru ym MIS yr ysgol a chynnwys eich dyddiad cychwyn a'ch cod staff.
Rhaid i gleientiaid darparu Hwb fod wedi'u rhedeg yn llwyddiannus yn y ddwy ysgol.

Sut i symud eich cyfrif Hwb o'ch hen ysgol i'ch ysgol newydd

Bydd angen y canlynol arnoch gan weinyddwr Hwb yn eich ysgol newydd:

eich enw defnyddiwr a'ch cyfrinair mewngofnodi newydd ar gyfer Hwb
rhif Adran Addysg eich ysgol flaenorol

Gallwch hefyd ddod o hyd i rifau Adran Addysg ysgolion yn rhestr gyfeiriadau ysgolion. Ar ôl ichi gael yr wybodaeth hon, mewngofnodwch i'ch cyfrif Hwb newydd.

Cliciwch ar Rheoli'r defnyddiwr.
Cewch orchymyn i fewngofnodi eto fel mesur diogelwch ychwanegol.
Rhowch eich enw defnyddiwr a'ch cyfrinair eto a chliciwch ar Mewngofnodi.
Cliciwch ar Fy mhroffil ar gornel dde uchaf y dudalen.
Ar dudalen Eich manylion, cliciwch ar y botwm Trosglwyddo cyfrif ar y gornel dde uchaf.
Rhowch rif Adran Addysg eich ysgol flaenorol (7 digid). Os yw'n gywir, bydd enw eich ysgol flaenorol yn ymddangos yn awtomatig.
Rhowch eich enw defnyddiwr Hwb yn yr ysgol flaenorol, y cyfrif yr hoffech ei drosglwyddo o'ch ysgol flaenorol i'ch ysgol newydd.
Cliciwch ar Nesaf.
Bydd blwch negeseuon yn ymddangos yn cynnwys nodyn i bennaeth eich ysgol flaenorol, ond gallwch addasu'r neges eich hun.
Ticiwch y blwch i gadarnhau manylion y pennaeth ynghylch eich ysgol flaenorol.
Cliciwch ar Nesaf.
Gwiriwch yr wybodaeth a ddangosir ac os ydych am fwrw ymlaen, cliciwch ar Cyflwyno.

Bydd e-bost yn cael ei anfon at bennaeth eich ysgol flaenorol yn gofyn iddynt gymeradwyo neu wrthod eich cais. Byddwch yn derbyn e-bost awtomatig yn eich cyfrif Hwb newydd yn eich hysbysu beth yw'r ymateb.

Gwrthod cais i symud cyfrif

Os gwrthodwyd eich cais, dylech barhau i ddefnyddio'r cyfrif Hwb a grëwyd yn eich ysgol newydd. Nid oes angen cymryd unrhyw gamau eraill.

Cymeradwyo cais i symud cyfrif

Os cymeradwywyd eich cais, dilynwch y cyfarwyddiadau isod i symud eich cyfrif.

Mewngofnodwch i'ch cyfrif newydd.
Cliciwch ar Rheoli'r defnyddiwr.
Cewch orchymyn i fewngofnodi eto fel mesur diogelwch ychwanegol.
Rhowch eich enw defnyddiwr a'ch cyfrinair eto a chliciwch ar Mewngofnodi.
Ar dudalen Dangosfwrdd staff ysgol, yn y faner uchaf 'Mae’ch cais trosglwyddo cyfrif wedi'i adolygu', cliciwch ar Gweld y cais.
Ar dudalen Statws trosglwyddo cyfrif, ystyriwch a ydych yn bendant eisiau symud eich cyfrif.
Os cliciwch ar y botwm Parhau i drosglwyddo, cewch eich allgofnodi'n awtomatig o Hwb.
Mae'r broses nawr wedi'i chwblhau'n llwyddiannus. Dylech nawr ddefnyddio'r cyfrif Hwb a drosglwyddwyd i fewngofnodi eto.

Llywodraethwyr

Mae'n rhaid bod gan bob llywodraethwr gyfrif llywodraethwr annibynnol.