Rhwydweithiau Hwb

Trosolwg

Mae rhwydweithiau Hwb yn galluogi defnyddwyr cymuned Hwb i weithio gyda'i gilydd. Mae’n rhwydd sefydlu rhwydweithiau. Mae pob rhwydwaith Hwb yn cynnwys:

fforwm trafod
ardal storio ffeiliau
cyhoeddiadau
ardal i rannu rhestrau chwarae ac aseiniadau

Gall aelodau danysgrifio i gael hysbysiadau e-bost i gael yr wybodaeth ddiweddaraf am weithgareddau ym mhob rhwydwaith. Pan fyddwch chi’n creu neu’n ymuno â rhwydwaith, byddwch yn cael eich tanysgrifio’n awtomatig i e-bost wythnosol sy’n crynhoi'r gweithgareddau. Fodd bynnag, gallwch addasu pa mor aml rydych chi’n cael yr hysbysiadau hyn.

Nid yw rhwydweithiau Hwb ar gael i ddysgwyr.

Canfod ac ymuno â rhwydwaith

Mewngofnodwch i Hwb.
Cliciwch ar y deilsen Rhwydweithiau.
Mae bar chwilio ar frig y dudalen i chi chwilio drwy’r rhwydweithiau neu gallwch sgrolio drwy’r rhwydweithiau sy’n ymddangos ar y dudalen.
Cliciwch ar y rhwydwaith yr hoffech ymuno â hi.
Cliciwch ar y botwm glas Ymuno â’r Rhwydwaith.

Bydd gweinyddwr y rhwydwaith yn cael eich cais ac yn gallu caniatáu mynediad i chi. Gallwch hefyd gysylltu â pherchnogion rhwydwaith gan ddefnyddio’r dewis Cysylltu â ni (sy’n cael ei gynrychioli gan symbol amlen) ar dudalen drosolwg y rhwydwaith.

Creu rhwydwaith

Gall pob defnyddiwr, ac eithrio dysgwyr, greu rhwydwaith Hwb.

Mewngofnodwch i Hwb.
Cliciwch ar y deilsen Rhwydweithiau.
Cliciwch ar + Creu Rhwydwaith newydd (ar frig y dudalen).
Rhowch enw i'ch rhwydwaith a chliciwch ar Dechrau Rhwydwaith. Yna bydd eich rhwydwaith newydd yn agor.
I ychwanegu gwybodaeth am eich rhwydwaith a delweddau (dewisol), cliciwch ar y 'cog' gosodiadau.

- Ynglŷn â Rhwydwaith: golygwch yr enw ac ychwanegwch ddisgrifiad.
- Llun: ychwanegwch lun ar gyfer y rhwydwaith trwy glicio ar yr eicon mynyddoedd.
- Baner: ychwanegwch ddelwedd baner ar gyfer y rhwydwaith.
- Preifatrwydd: y gosodiad preifatrwydd diofyn ar gyfer y rhwydwaith yw Anweithredol. Pan fyddwch chi’n barod i’ch rhwydwaith gael ei weld yn y canlyniadau chwilio, newidiwch hwn i Yn fyw.

Ceir canllaw llawn i Rwydweithiau Hwb yn Adnoddau Hwb. Chwiliwch am Canllaw Rhwydweithiau Hwb.

Rheoli rhwydwaith

Gallwch roi rôl Rheolwr i aelodau eraill o'ch rhwydwaith.

Yn eich rhwydwaith, cliciwch ar y rhestr Aelodau.
Daliwch y cyrchwr dros yr aelod perthnasol a chliciwch ar saeth y gwymplen nesaf at ei enw: Dewiswch y blwch ticio Rheolwr.

Wedyn bydd y rheolwyr yn gallu cymeradwyo aelodau newydd, gwneud cyhoeddiadau a bydd ganddyn nhw’r un hawliau â’r gweinyddwr/gweinyddwyr.

Tynnu rhywun o rwydwaith Hwb

Yn eich rhwydwaith, cliciwch ar y rhestr Aelodau.
Daliwch y cyrchwr dros yr aelod perthnasol a chliciwch ar saeth y gwymplen nesaf at ei enw: Cliciwch ar Tynnu defnyddiwr.

Dileu rhwydwaith Hwb

Gallwch ddad-gyhoeddi rhwydwaith ar unrhyw adeg. Ar ôl i chi wneud hynny, ni fydd yn ymddangos ar dudalen Rhwydweithiau Hwb a rhwystrir mynediad i’r holl aelodau presennol.

Yn eich rhwydwaith, cliciwch ar y cog Gosodiadau.
Cliciwch ar Preifatrwydd: Anweithredol: Cadw.

Storio ffeiliau mewn rhwydwaith

Mae ardal Ffeiliau ym mhob rhwydwaith. Bydd modd i aelodau eraill o'r rhwydwaith weld y ffeiliau. Gall aelodau Ailenwi, Symud neu Ddileu ffeiliau a ffolderi.

I ychwanegu ffeil newydd, cliciwch + Ychwanegu Eitem Newydd (ar yr ochr dde).

Gadael rhwydwaith

Ewch i'r rhwydwaith yr hoffech ei adael, cliciwch ar Wedi ymuno: Gadael.

Cydweithio ar ffeiliau mewn rhwydwaith

Gellir rhannu ffeiliau o fewn Rhwydwaith Hwb. Fodd bynnag, ni allwch gydweithio mewn 'amser real' ar ffeil yn yr un ffordd ag y gallwch yn Microsoft 365 a Goggle for Education. Os oes angen cydweithio mewn 'amser real', rydym yn argymell eich bod yn creu Tîm Microsoft 365 ychwanegol i hwyluso hyn.

Cymedroli rhwydweithiau

Nid yw Rhwydweithiau Hwb yn cael eu cymedroli. Y bwriad yw i Rwydweithiau Hwb gael ei hunan-gymedroli gan weinyddwyr y rhwydwaith a'r rheolwyr penodol. Mae rhwymedigaeth broffesiynol ar bob defnyddiwr i ymddwyn yn briodol wrth ddefnyddio Hwb, fel y nodir yn nhelerau ac amodau'r wefan. Gellir adrodd am unrhyw ymddygiad amhriodol i Ddesg Gymorth Hwb: cymorth@hwbcymru.net.

Hysbysiadau rhwydwaith

Pan fyddwch chi’n creu neu’n ymuno â rhwydwaith, byddwch yn cael eich tanysgrifio’n awtomatig i e-bost wythnosol sy’n crynhoi'r gweithgareddau. I addasu pa mor aml rydych chi'n cael yr hysbysiadau hyn:

agorwch y rhwydwaith perthnasol
cliciwch y saeth y gwymplen wrth ymyl Dad-danysgrifio a dewiswch pa mor aml yr hoffech dderbyn hysbysiadau ar gyfer y rhwydwaith hwnnw

Rhagor o gymorth

I gael cymorth pellach cysylltwch â Desg Gwasanaeth Hwb:

E-bost: cymorth@hwbcymru.net

Ffôn: 03000 25 25