Asesiadau personol
Mae asesiadau personol Darllen a Rhifedd yn fandadol i ddysgwyr mewn ysgolion a gynhelir yng Nghymru. Gellir eu gwneud unwaith neu ddwywaith yn ystod y flwyddyn ysgol i gefnogi cynnydd dysgwyr.
- Rhan o
Asesiadau Personol yn 2025 i 2026
Ar ôl i ddysgwyr gwblhau eu hasesiadau, bydd gan ysgolion fynediad at amrywiaeth o adroddiadau ac adborth ar eu:
- sgiliau
- cynnydd
- sgoriau safonedig ar sail oedran
Gall ysgolion ddefnyddio’r wybodaeth hon i helpu i gynllunio dysgu ac addysgu.
Gosodir y gofynion ar gyfer y flwyddyn academaidd hon yn llawlyfr gweinyddu’r asesiadau personol.
Cael mynediad at yr asesiadau
Er mwyn cael mynediad at yr asesiadau, bydd angen i chi fewngofnodi i Hwb. Ar ôl i chi fewngofnodi, dewiswch yr eicon asesiadau personol ar yr hafan neu o'r ddewislen.
Mae'r fideo hwn yn dangos sut i fewngofnodi i Hwb a chael mynediad at y wefan asesiadau personol.
Canllawiau i ysgolion
Yn ystod y flwyddyn academaidd hon, mae asesiadau personol Darllen a Rhifedd yn fandadol i'w defnyddio ym Mlynyddoedd 2 i 9. Mae llawlyfr gweinyddu’r asesiadau personol yn amlinellu’r gofynion ar gyfer eleni.
- Gall ysgolion amserlennu asesiadau personol ar adeg y maent yn ei hystyried yn fwyaf buddiol i gefnogi addysgu, dysgu a chynnydd.
- Rhaid i ddysgwyr wneud pob asesiad unwaith yn ystod y flwyddyn academaidd. Gall ysgolion hefyd gynnal yr asesiadau unwaith yn rhagor yn ystod y flwyddyn academaidd.
Gofynnir i athrawon sicrhau bod eu holl ddysgwyr yn defnyddio'r asesiadau ymgyfarwyddo ar Hwb. Bydd hyn yn rhoi cyfle i ddysgwyr roi cynnig ar y mathau o gwestiynau cyn cymryd yr asesiadau.
Mae’r canllaw i ddefnyddwyr ar y wefan asesu yn darparu gwybodaeth ymarferol fanwl am:
- amserlennu a chyflwyno'r asesiadau (gan gynnwys rhestrau gwirio)
- cael gafael ar adroddiadau
Mae sgoriau safonedig ar sail oedran a sgoriau cynnydd yr asesiadau hynny sy’n cael eu gwneud o fis Medi 2023 ymlaen yn ystyried yr ‘amser dysgu’ a gafwyd yn yr ystafell ddosbarth. Mae hyn yn cefnogi a gwella dealltwriaeth o gynnydd y dysgwyr o dan y Cwricwlwm i Gymru.
O fis Medi 2023 ymlaen, caiff sgoriau’r asesiadau eu cyfrifo’n unol â phroses ailsafoni, sy’n defnyddio dysgwyr 2022 i 2023 fel y garfan gyfeirio.
Cymorth ac arweiniad i ysgolion
Mae cymorth ac arweiniad ar gael ar wefan yr asesiadau. Ar ôl cael mynediad at y wefan, cliciwch 'Help' i gael mynediad at:
- fideos
- canllaw i ddefnyddwyr
- deunyddiau hyfforddi
- asesiadau ymgyfarwyddo
I gael cymorth ar reoli cyfrifon defnyddwyr Hwb yr ysgol, cysylltwch â hwb@llyw.cymru neu 0300 0252525.
I gael cymorth ar yr asesiadau personol, cysylltwch â:
- y Ddesg Gymorth Asesiadau (ar gyfer ysgolion yn unig) ar 029 2026 5099 rhwng 8am a 5pm, dydd Llun i ddydd Gwener
- cymorth@asesiadaupersonol.cymru
Llawlyfr gweinyddu
-
Llawlyfr gweinyddu 2025 i 2026
Yn cynnwys y gofynion cyfreithiol ar gyfer trefniadau asesu.
Asesiadau personol: Canllawiau i ymarferwyr ar adroddiadau adborth a chynnydd i ddysgwyr unigol
Gweminarau ar gyfer athrawon
Mae gweminarau ar gyfer athrawon ar gael ar system yr asesiadau personol.
Astudiaethau achos ysgolion
Mae’r astudiaethau achos hyn yn amlygu’r defnydd o asesiadau personol i dargedu a gwella canlyniadau’r dysgwyr.
Astudiaethau achos fideo: defnyddio’r asesiadau personol i gefnogi dulliau asesu yn Ysgol Min y Ddol ac Ysgol Merllyn
Gwybodaeth i rieni a gofalwyr
Mae gwybodaeth i rieni a gofalwyr hefyd ar gael.
Rhagor o wybodaeth
Mae'r asesiadau personol yn addasol. Mae hyn yn golygu y caiff y cwestiynau eu dewis ar sail ymateb dysgwr i'r cwestiynau blaenorol. Mae hyn yn cynnig profiad asesu sydd wedi'i deilwra ar gyfer pob dysgwr. Bydd yn helpu pob dysgwr i ddatblygu eu sgiliau drwy ddeall:
- yr hyn y gallant ei wneud
- yr hyn efallai y mae angen iddynt ei wella
- eu camau nesaf posibl
Mae'n ofynnol i ddysgwyr sefyll pob asesiad unwaith yn ystod y flwyddyn academaidd. Gall ysgolion hefyd ddefnyddio'r asesiadau unwaith yn rhagor yn ystod y flwyddyn academaidd.
Mae'r asesiadau yn rhoi gwybodaeth i ysgolion am sgiliau dysgwyr unigol, grwpiau a dosbarthiadau cyfan.
Nid oes unrhyw 'gyfnod asesu' ar gyfer asesiadau personol. Mae amseru yn ôl disgresiwn yr ysgol.
Gall y dysgwyr sefyll yr asesiadau personol naill ai mewn grwpiau bach neu grwpiau mawr, yn dibynnu ar ddewisiadau a chyfleusterau'r ysgol. Nid oes angen nifer fawr o ddyfeisiau ar ysgolion.