Pinterest

Lluniau mae defnyddwyr wedi'u 'pinio' (cadw) i'w 'Board'.

Y weithred o ddefnyddwyr yn cadw 'Pins' i'w 'Boards'.

Gall defnyddwyr greu eu 'Boards' eu hunain y gallan nhw ychwanegu 'Pins' atyn nhw. Gall defnyddwyr fod â 'Boards' gwahanol ar gyfer eu gwahanol ddiddordebau neu brosiectau. Gall 'Boards' fod yn gyhoeddus neu'n breifat a gellir eu rhannu ac ychwanegu atyn nhw gyda ffrindiau hefyd.

Dyma lle bydd defnyddwyr yn gweld 'Pins', pobl a busnesau mae'r platfform yn meddwl y bydd defnyddiwr yn eu hoffi neu â diddordeb ynddyn nhw. Yma, bydd defnyddwyr yn gweld 'Pins' gan y bobl a'r 'Boards' maen nhw'n eu dilyn hefyd.

Mae'r nodwedd hon yn debyg i'r ffrwd 'Browse' ond, yn lle 'Pins' a lluniau, mae'n cynnwys fideos.

Tudalen sy’n rhoi’r newyddion diweddaraf i ddefnyddwyr ar ‘Boards’ neu feysydd pwnc maen nhw wedi dangos diddordeb ynddyn nhw o’r blaen ar yr ap. Mae hefyd yn galluogi defnyddwyr i weld y sylwadau neu’r lluniau diweddaraf sydd wedi’u hychwanegu gan ddefnyddwyr eraill i biniau rydych chi wedi’u creu.

Mae’r nodwedd hon yn galluogi defnyddwyr i anfon negeseuon uniongyrchol at ddefnyddwyr eraill ar y platfform. Gall defnyddwyr newid pwy sy’n gallu anfon negeseuon atoch trwy newid gosodiadau caniatâd cymdeithasol.

Lle gall defnyddwyr wneud sylwadau ar 'Pins’.

Dyma lle mae defnyddwyr yn cael eu cyfeirio at safleoedd allanol i brynu eitemau tebyg i'r 'Pins' maen nhw wedi chwilio amdanyn nhw.

Mae hwn yn caniatáu i ddefnyddwyr roi cynnig rhithwir ar gynhyrchion fel colur neu addurniadau’r cartref maen nhw’n ei weld mewn pin neu hysbyseb ar Pinterest. Noder mai dim ond ar ddyfeisiau symudol defnyddwyr sydd wedi rhoi caniatâd i Pinterest gael mynediad at gamera’r ddyfais neu, ar ddyfeisiau Android, os ydych chi wedi lawrlwytho Google Play Services ar gyfer AR, y mae’r nodwedd hon ar gael.

Yr adran hon o'r ap yw lle gall defnyddwyr bostio eu 'Pin' eu hunain trwy dynnu eu lluniau eu hunain neu greu 'Board'. Gall defnyddwyr ddewis gwneud eu 'Pins' a'u 'Bwrdd' yn breifat.

Gall defnyddwyr 'Follow' cyfrifon eraill ar y platfform y mae ganddyn nhw ddiddordeb ynddyn nhw.

Nodwedd yn Pinterest sy’n caniatáu i ddefnyddwyr wneud eu byrddau’n breifat fel mai dim ond nhw ac unrhyw ddefnyddwyr y maent wedi dewis eu gwahodd sy’n gallu eu gweld. Mae’r byrddau hyn yn ymddangos ar broffil defnyddiwr gydag eicon clo ar ochr chwith uchaf y ddelwedd clawr.

Mae Pinterest yn caniatáu i ddefnyddwyr wneud eu cyfrifon yn breifat. Mae’r nodwedd hon yn eu galluogi i adolygu eu dilynwyr ac i’w proffil gael ei guddio oddi wrth unrhyw un sydd ddim yn ei ddilyn ac oddi wrth beiriannau chwilio. Gall defnyddwyr hefyd wneud eu byrddau yn breifat a defnyddio gosodiadau eraill i ddiogelu eu preifatrwydd.

I wneud cyfrif yn breifat (ar y we):

• dewiswch yr eicon cocsen/hecsagon ar gornel chwith isa’r sgrin a dewis ‘Settings’.
• dewiswch ‘Profile visibility’ ar ochr chwith y sgrin
• toglwch yr opsiwn wrth ymyl ‘Private profile’ fel ei fod ymlaen
• byddwch wedyn yn cael opsiwn naid i adolygu eich dilynwyr
• dewiswch ‘Not now’ i’w gau

I wneud y cyfrif yn breifat (Android ac iOS):

• ewch i’ch cyfrif trwy ddewis yr eicon proffil ar y gornel chwith uchaf i agor ‘Settings’.
• dewiswch ‘Profile visibility’
• toglwch y switsh wrth ymyl ‘Private profile’ fel ei fod ymlaen.
• byddwch wedyn yn cael opsiwn naidlen er mwyn gallu edrych ar eich rhestr dilynwyr. Dewiswch ‘Not now’ i gau. 

I guddio eich cyfrif o beiriant chwilio (Android ac iOS):

• ewch i'ch proffil a dewiswch yr eicon tri dot
• dewiswch 'Settings' a dewiswch 'Privacy and data’
• symudwch dogl yr opsiwn 'Search privacy' i'r safle ymlaen a dewiswch 'I understand’

I guddio eich cyfrif o beiriant chwilio (y we):

• dewiswch yr eicon cocsen/hecsagon ar gornel chwith isa’r sgrin a dewis ‘Settings’.
• dewiswch ‘Profile visibility’ ar ochr chwith y sgrin.
• toglwch yr opsiwn ‘Search privacy’ a dewis ‘I understand’. 

I greu bwrdd cudd:

• o broffil y cyfrif dewiswch yr eicon ‘+' yna dewiswch ‘Board'
• toglwch ar yr opsiwn ‘Make this board secret’

I newid bwrdd i fod yn un cudd:

• agorwch y bwrdd rydych chi am ei wneud yn un cudd trwy ddewis yr eicon tri dot
• dewiswch ‘Edit board’
• toglwch y opsiwn neu dewiswch y blwch wrth ymyl ‘Keep this board secret’ i ‘On’

Mae rhai gosodiadau ar gael i helpu i reoli rhyngweithio a chynnwys. Fodd bynnag, nid oes gosodiad i reoli pwy all anfon negeseuon atoch chi. Mae rhieni a gofalwyr yn gallu gosod cod mynediad rhieni. Bydd y gosodiad hwn yn caniatáu i rieni a gofalwyr addasu rhai gosodiadau penodol ar gyfer cyfrif eu plentyn, fel pwy sy’n gallu anfon neges ato/ati neu @sôn amdano, yn ogystal â phwy sy’n gallu gadael sylw ar ei gynnwys, a’r mathau o argymhellion siopa mae’n ei dderbyn.

I guddio 'Pins':

• chwiliwch am y 'Pin' rydych chi am ei guddio
• pwyswch a daliwch nes bod eiconau gwahanol yn ymddangos
• wrth ddal y 'Pin', dewiswch yr eicon 'Hide' (bydd hyn yn dileu cynnwys tebyg o'ch ffrwd 'Browse')

I reoli hysbysebion a data (Android ac iOS):

• ewch i’ch cyfrif trwy ddewis yr eicon proffil ar gornel chwith ucha’r sgrin i agor ‘Settings’.
• dewiswch 'Privacy and data’
• symudwch dogl yr opsiynau yn yr adran 'Ads personalisation' i'r safle i ffwrdd

I reoli hysbysebion a data (y we):

• dewiswch yr eicon cocsen/hecsagon ar gornel chwith isa’r sgrin a dewis ‘Settings’
• dewiswch ‘Privacy and data’ ar ochr chwith y sgrin.
• symudwch dogl yr opsiynau yn yr adran ‘Ads personalisation’ i’r safle i ffwrdd. 

I reoli cysylltiadau (Android ac iOS):

• ewch i’ch cyfrif trwy ddewis yr eicon proffil ar gornel chwith ucha’r sgrin i agor ‘Settings’.
• dewiswch 'Privacy and data’
• symudwch dogl yr opsiwn 'Store your contacts’ i'r safle i ffwrdd

I hidlo sylwadau (Android ac iOS):

• ewch i’ch cyfrif trwy ddewis yr eicon proffil ar gornel chwith ucha’r sgrin i agor ‘Settings’.
• dewiswch ‘Social permissions and activity’
• sgroliwch i ‘Filter comments on others’ pins’ a throwch y dewis hwn ymlaen
• bydd cwymplen yn ymddangos a gallwch ysgrifennu’r geiriau neu’r ymadroddion rydych chi am eu blocio

I hidlo sylwadau (Web):

• dewiswch yr eicon cocsen/hecsagon ar gornel chwith isa’r sgrin a dewis ‘Settings’.
• dewiswch ‘Social permissions’ ar ochr chwith y sgrin.
• symudwch y togl ar ‘Filter comments on my pins’ fel ei fod ymlaen.
• bydd bocs cwymplen yn ymddangos, lle allwch chi ysgrifennu’r geiriau neu’r brawddegau rydych chi am eu blocio.

I analluogi sylwadau ar eich ‘pinnau’ (Android ac iOS):

• ewch i’ch cyfrif trwy ddewis yr eicon proffil ar gornel chwith ucha’r sgrin i agor ‘Settings’.
• dewiswch ‘Social permissions’.
• symudwch y togl ar ‘Allow comments on your pins’ fel ei fod i ffwrdd.
  I analluogi sylwadau ar eich ‘pinnau’ (y we):
• dewiswch yr eicon cocsen/hecsagon ar gornel chwith isa’r sgrin a dewis ‘Settings’.
• dewiswch ‘Social permissions’ ar ochr chwith y sgrin.
• symudwch y togl ar ‘Allow comments on your pins’ fel ei fod i ffwrdd. 

I reoli gosodiadau negeseuon (Android and iOS):

• ewch i’ch cyfrif trwy ddewis yr eicon proffil ar gornel chwith ucha’r sgrin i agor ‘Settings’
• dewiswch ‘Social permissions and activity’
• dewiswch ‘Message settings’ a gweithiwch drwy’r dewisiadau a restrir

I reoli gosodiadau negeseuon (Web):

• dewiswch yr eicon cocsen/hecsagon ar gornel chwith isa’r sgrin a dewis ‘Settings’.
• dewiswch ‘Social permissions’ ar ochr chwith y sgrin.
• sgroliwch i ‘Messages’ ac ewch drwy’r opsiynau sydd wedi’u rhestru.

I greu cod mynediad rhieni (ar y we):

• o gyfrif eich plentyn, dewiswch yr eicon cocsen/hecsagon ar gornel chwith isa’r sgrin ac yna
• dewiswch ‘Account management’ o'r rhestr i'r chwith o'r sgrin
• cliciwch ar ‘Add code’ wrth ymyl ‘Parental Passcode’
• rhowch god pedwar digid a'ch cyfeiriad e-bost yna dilynwch y cyfarwyddiadau i gadarnhau
• ds: bydd angen i chi fewngofnodi i’ch cyfrif e-bost a gwirio e-bost cadarnhau gan Pinterest.

I greu cod mynediad rhieni ar ddyfais symudol (Android ac iOS):

• o gyfrif eich plentyn, dewiswch yr eicon cocsen/hecsagon ar gornel chwith ucha’r sgrin.
• dewiswch ‘Account management’
• dewiswch ‘Parental passcode’ yna rhowch god pedwar digid ac yna'ch cyfeiriad e-bost
• dewiswch ‘Set passcode’ i gadarnhau eich dewis
• ds: bydd angen i chi fewngofnodi i’ch cyfrif e-bost a gwirio e-bost cadarnhau gan Pinterest.

Gall defnyddwyr flocio a chwyno am ddefnyddwyr eraill a all fod yn eu poeni nhw neu'n ymddwyn yn amhriodol ar y platfform.

I 'Block' neu 'Report' defnyddiwr:

• chwiliwch am broffil y defnyddiwr rydych chi am gwyno amdano
• dewiswch yr eicon tri dot a dewiswch 'Block/Report' yn ôl yr angen
• dewiswch 'Report/Block' eto i gwblhau'r broses

I 'Report a pin’:

• chwiliwch am y 'Pin' rydych chi am gwyno amdano a dewiswch yr eicon tri dot
• dewiswch 'Report' a dewiswch y rheswm pam rydych chi am gwyno am y 'Pin' o'r opsiynau a restrir:
  • Spam
  • Nudity or pornography
  • Self-harm
  • Misinformation
  • Hateful activities
  • Dangerous goods
  • Harassment or privacy violations
  • Graphic violence
  • My intellectual property

I gwyno am edefyn neges:

• ewch i'ch negeseuon drwy ddewis yr eicon swigen siarad
• dewiswch yr edefyn neges rydych chi am gwyno amdano
• dewiswch yr eicon tri dot a dewiswch 'Report thread’
• dewiswch y rheswm dros eich cwyn o'r naidlen:
  • This is spam
  • This is harassing me or someone else
  • This promotes self-harm

Mae gosodiadau ar Pinterest i helpu i reoli amser ar y platfform. Gallwch hefyd addasu’r argymhellion siopa er mwyn gweld llai o hysbysebion wedi’u teilwra i chi.

I reoli hysbysiadau (Android and iOS):

• ewch i’ch cyfrif trwy ddewis yr eicon proffil ar gornel chwith ucha’r sgrin i agor ‘Settings’
• sgroliwch i 'Notifications’
• sgroliwch i ‘Permissions’ a thoglo ‘Push’, ‘Email’, a ‘In-app' i’w diffodd.

I reoli gosodiadau hysbysiadau (y we):

• dewiswch yr eicon cocsen/hecsagon ar gornel chwith isa’r sgrin a dewiswch ‘Settings’.
• dewiswch ‘notifications’ ar ochr chwith y sgrin.
• sgroliwch i ‘Permissions’ a thoglo ‘Push’, ‘Email’, ac ‘In-app' i’w diffodd.

I reoli argymhellion siopa ar Pinterest (Android ac iOS):

• ewch i’ch cyfrif trwy ddewis yr eicon proffil ar gornel chwith ucha’r sgrin i agor ‘Settings’.
• dewiswch ‘Social permissions’. 
• sgroliwch i ‘Shopping recommendations’ a thoglo ‘Show similar products’ i’w ddiffodd.

I reoli gosodiadau negeseuon (y we):

• dewiswch yr eicon cocsen/hecsagon ar gornel chwith isa’r sgrin a dewiswch ‘Settings’.
• dewiswch ‘Social permissions’ ar ochr chwith y sgrin.
• sgroliwch i ‘Shopping recommendations’ a thoglo ‘Show similar products’ i’w ddiffodd.

Gall defnyddwyr ddewis rhwng dileu neu ddadactifadu eu cyfrif ar Pinterest. Mae cyfrif Pinterest wedi’i ddileu yn barhaol, ond mae modd ailagor cyfrif Pinterest wedi’i ddadactifadu unrhyw bryd.

I ddileu/dadactifadu cyfrif Pinterest (Android ac iOS):

• agorwch eich proffil trwy fynd i'ch llun proffil a dewiswch y symbol cog
• dewiswch ‘Account management’
• os ydych chi'n dadactifadu'ch cyfrif, dewiswch ‘Deactivate account’. Os ydych chi'n dileu'ch cyfrif, dewiswch ‘Delete your data and account’
• cadarnhewch eich dewis trwy ddewis ‘confirm’ yna dilynwch y cyfarwyddiadau a roddir

I ddileu eich cyfrif Pinterest (ar y we):

• dewiswch yr eicon cocsen/hecsagon ar gornel chwith isa’r sgrin ac yna ‘Settings’.
• dewiswch ‘Account management’ ar ochr chwith y ffenestr
• dewiswch ‘Delete account’
• dewiswch ‘Continue’ a’ch rheswm dros ddileu’r cyfrif
• dewiswch ‘Send email’ i dderbyn neges e-bost i ddileu’ch cyfrif
• gwiriwch y cyfeiriad e-bost sy’n gysylltiedig â’ch cyfrif Pinterest i gadarnhau eich bod am ddileu’r cyfrif

I ddadactifadu eich cyfrif Pinterest (ar y we):

• dewiswch yr eicon cocsen/hecsagon ar gornel chwith isa’r sgrin ac yna ‘Settings’.
• dewiswch ‘Account management’ ar ochr chwith y ffenestr
• dewiswch ‘Deactivate account’
• dewiswch ‘Continue’
• dewiswch eich rheswm dros ddadactifadu’r cyfrif
• dewiswch ‘Deactivate account’